شرعی مسائل ۱۰

کھیلوں کی ویڈیو

سوال۳۷: خواتین کا ٹیلی ویژن پر کشتی کے پہلوانوں اور دوسرے کھلاڑیوں کو نیم عریاں حالت میں دیکھنے کے بارے حکم کیا ہے؟

آیات عظام امام، سیستانی، فاضل، نوری، وحید: اگر لذت کی نیت کے بغیر اور حرام میں مبتلا ہونے کو خوف نہ ہو اور فساد کا موجب نہ ہو توکوئی حرج نہیں۔ [نوری استفاءات ج۱، س ۴۵۸، امام استفتاءات ج۳ (نظر) س ۱۲ تبریزی صراط النجاۃ ج۲ م س ۸۹۷ م ج۱ س ۱۴۵۷ مکارم استفتاءات ج۲ س ۱۰۳۰، دفتر سیستانی، وحید]

آیات عظام بھجت، صافی، مکارم: چونکہ ایسے پروگراموں کو دیکھنا فساد اور شہوت انگیزی کا باعث بنتا ہے لہٰذا جائزنہیں ہے۔

[بھجت، توضیع المسائل متفرقہ م۲، صافی جامع الاحکام ج۲م س ۱۶۰۷، ۱۶۲۲، دفتر مکارم]

آیات عظام تبریزی و خامنہ ای: ایسے پروگرام اگر براہ راست نہ دیکھے جائیں لذت کی نیت کے بغیر ہو اور حرام میں مبتلا ہونے کا خوف بھی نہ ہو تو کوئی حرج نہیں۔ [خامنہ ای اجوبۃالاستفتاءات س ۱۱۸۹]

ضرور ی نوٹ: مذکورہ بالاسوال اس مقام کے بارے میں ہے جہاں کشتی کے پہلوان اور کھلاڑی جان پہچان کے نہ ہوں ورنہ مراجع عظام کے فتویٰ کے مطابق ان کو دیکھنا حرام ہے۔

کم سن بچیوں پر نگاہ

سوال۳۸ :کیا نا بالغ لڑکیوں کے بدن اوربالوں کو دیکھنا جائز ہے؟

آیات عظام امام، خامنہ ای، سیستانی: اگر لذت کی نیت کے بغیر ہو اور حرام میں مبتلا ہونے کا خوف بھی نہ ہو تو کوئی حرج نہیں لیکن بنابر ا حتیاط (مستحب) ایسی جگہوں مثلاً (ٹانگیں، سینہ، پیٹ) کو جنہیں عام طور پر چھپایا جاتا ہے نہ دیکھا جائے۔

[امام توضیع المسائل مراجع م ۲۴۳۳، و تحریر الوسیلہ ج۲ (النکاح) م ۲۵ م سیستانی منھاج الصالحین ج۳ م (النکاح) م ۲۳، وخامنہ ای استفتاء س۶۲۰]

آیات عظام فاضل، مکارم و نوری: اگر لذت کی نیت کے بغیر ہو اور حرام میں مبتلا ہونے کا خطرہ بھی نہ ہو کوئی حرج نہیں، لیکن احتیاط واجب کی بنا پر ایسی جگہوں مثلاً (ران، پیٹ، سینہ) کو جنہیں عام طور پر چھپایا جاتا ہے نہ دیکھا جائے۔

[توضیع المسائل مراجع م ۲۴۳۳، نوری ، توضیع المسائل م ۲۴۲۹]

آیۃ اللہ بھجت: اگر ایسی لڑکی ہو جو اچھے برے کی تمیز جانتی ہو تو احتیاط واجب کی بنا پر اس کو دیکھنا چاہے لذت کی نیت سے ہو یا لذت کی نیت کے بغیر جائز نہیں ہے۔ [توضیع المسائل مراجع م ۲۴۳۳]

آیات عظام تبریزی، صافی و وحید: اگر لڑکی اچھے برے کی تمیز جانتی ہو لذت کی نیت کے بغیر بھی جائز نہیں ہے۔

[توضیع المسائل مراجع م ۲۴۳۳ ، تبریزی التعلیقہ علی منھا ج الصالحین ، م ۱۲۳۲ ، اور صراط النجا ۃ ج۱ س ۸۹۲، دفتر وحید ]

سوال ۳۹: چھوٹی بچیاں چادر پہنتے ہوئے بہت اچھی لگتی ہیں یہ ایک خاص معنیٰ رکھتا ہے کیا ان پر نگاہ کر نا جائز ہے؟

تمام مراجع عظام: اگر لذت کی نیت کے بغیر اور حرام میں مبتلا ہونے کا خوف نہ تو جائز ہے۔ [توضیع المسائل مراجع م ۲۴۳۳، نوری توضیع المسائل م ۲۴۲۹، دفتر وحید و خامنہ ای ]

سوال ۴۰: عورت کا سمجھدار لڑکے کے بدن پر (قبل و دبر) کے علاوہ نگاہ کرنے کا کیا حکم ہے؟

تمام مراجع عظام (بھجت کے علاوہ): لذت کی نیت کے بغیر کوئی حرج نہیں ہے۔

[امام تحریر الوسیلہ ج۲ النکاح، م ۲۶، صافی ہد ایۃ العباد ج۲ النکاح م ۲۶، تبریزی التعلیقہ علی منھاج الصالحین م ۱۲۳۲، سیستانی منھاج الصالحین ج۳ م۲۴، دفتر وحید خامنہ ای، فاضل، نوری اور مکارم]

آیۃ اللہ بھجت: اگر بچہ اچھے برے کی تمیز جانتا ہے احتیاط واجب کی بنا پر اس کے بدن کو دیکھنا جائز نہیںہے۔ [بھجت توضیع المسائل م ۱۹۳۳]

بچہ کی شرمگاہ پر نگاہ

سوا ل۴۱: بچے کی شرمگاہ پر نگاہ کرنے کا کیا حکم ہے؟

آیات عظام، امام، سیستانی، فاضل، مکارم و نوری: ایسا بچہ جو اچھے برے کی تمیز جانتا ہے اس کی شرمگاہ پر نگاہ کر نا احتیاط واجب کی بنا پر جائز نہیں ہے، شیشے کے پیچھے سے کیوں نہ دیکھا جائے۔ [توضیع المسائل مراجع م ۲۴۳۶، نور ی توضیع المسائل م،۲۴۳۲]

آیات عظام بھجت، خامنہ ای، تبریزی، صافی ووحید: سمجھدار بچہ جو اچھے برے کی تمیز جانتا ہے اس کی شرمگاہ پر نگاہ کرنا جائز نہیں ہے۔

[توضیع المسائل مراجع م ۲۴۳۶، وحید توضیع المسائل م ۲۴۴۵، خامنہ ای استفتاء س ۵۱۵، ۵۳۵]